Aking Ama

by: Nhelmar Atienza

Isang araw, nakita kita

Ika'y namamalimos sa gilid ng kalsada

Nakita ko kung paano ka humingi ng barya sa mga taong sa'yo'y nakakakita

Nakita ko kung paano ka nilalayuan na parang may sakit na nakakahawa.

Agad ako sa'yo'y lumapit

Niyakap ka nang mahigpit, hindi nagdalawang-isip

Pagtinginan man ng iba

Hindi inalintana

Ako'y nakaramdam ng kakaiba,

Kakaibang nais tulungan ka

Hindi nangamba na baka ika'y may gawing hindi maganda

Ang maamo mong mukha'y napalitan ng tuwa at saya.

Ako'y hindi nakuntento sa simpleng pagtulong sa'yo

Lumipas ang araw at linggo,

Ako'y bumabalik sa lugar na ito

Dala-dala ang mumunting regalo para sa'yo at sa pamilya mo.

Panata ko na ata ang tulungan kayo

Ewan ko, pero ito lang ang naiisip ko

May kung ano sa puso ko

Na dapat ay tulungan kayo.

Araw-araw, linggo-linggo

Ay nagtutungo ako sa inyo

Ngunit makalipas lamang ang anim na buwan

Ang pamilya mo'y naglahong parang bula sa kalangitan

Ilang taon ang nagdaan ng hindi natin pagkikita,

Halos ikaw ay nakalimutan na nga

Ngunit ika'y muling nagbalik

Nakasuot ng magarang damit.

Halatang ang buhay nyo'y maayos na

Kung hindi mo lang sa akinn pinaalala

Kung sino ka noon sa buhay kong ngayo'y patapon na

May isa pala akong taong napasaya.

Iyong kinuwento kung bakit noo'y nawala kayo

Ang iyong anak ay nakitta mo

Iyong anak na dahilan ng pangungulila mo,

Naikwento mo.

Naikwento mo na nakita nya kamo

Ang pag-post ko ng larawan nyo

At agad syang gumawa ng paraan

Upang makita kayo nang mabilisan.

Inuwi ka kasama ang mga apo mo

Sa ibang bansa, doon tumira kayo

At ngayon iyon ibinabalik ang bagay na ginawa ko

Sa iba at sa ibang nangangailangan nito.

Ikaw, ikaw ang nagsilbing tatay

Na sa akin ay gumabay

Pagmamahal ng isang ama, sa'yo ko naramdaman, Itay

Maraming salamat sa'yo, aking itinuturing na tatay.