Tahanan

by Nhelmar Atienza

Lagi na lang ba?

Lagi na lang ba akong mag-iisa?

Tuwing gabi'y iiyak sa tabi

Isusumbat sa mundo ang lahat ng pighati.

Ang tinatago-tagong sakit

Na nagmumula sa dibdib

Lagi na lang ba akong mag-iisa

Sa mundo na walang ibang kasama?

Sa mundo na ako ang bida

At ako ang kontrabida

Teka, teka, hindi nga pala ako naging bida

Dahil sa istoryang ito, ako lang ang kontrabida

Nagkakamali ka,

Hindi ka nag-iisa.

Sa pag-iyak sa gabi, kasama mo'y ako

Ako ang syang lumalaban para sayo

Hinaing na itinatago-tago mo

Ako ang unang nakakaalam nito.

Hindi mo man sambitin o hingin,

Ako'y nandirito pa rin.

Sa mundo ko, ikaw ang bida,

Ikaw ang nangunguna.

Huwag kang mag-alala,

Ang para sa'yo'y malapit na.

Malapit na,

Malapit na akong mawalan ng gana.

Sa'yo at sa buhay na mayroon ako.

Hanggang kailan ako maghihintay sa taong hindi naman ako ang hinihintay?

Huwag, pakiusap huwag kang sumuko

Pinaglaban kita, sana'y ipaglaban mo rin ako.

Ang tahanan ko'y laging nakabukas para sa'yo,

Halika, ako'y puntahan mo ako.